मी...

Gayatri S Muley

कधी माझ्यातच चांदणे
पूर्ण अवती भोवती दाटलेले
मीच पोर्णिमा

भरती पण मलाच
मीच झेलते लाट अन लाट

कधी तरंगत खालीवर
किनारा गाठायचा
कुठल्यातरी सुखाचा किंवा दुखाचा
फक्त तुझ्याच बरोबर

मीच कधी किर्र रात
काजव्य साठी आसुसलेली
कधी फक्त ओहोटीची खोल ओढ
आत आत ओढलेली

तू अलगद सुटशील
गुंता करून काटेरी
निर्गाठीचा घटट  पिळ
फक्त माझ्याकडील टोकावरी

मीच कधी तप्त तप्त,,,मीच कधी तृप्त
झेलते सरीवर सरी
तरी शोधतच फिरते
ओलेपण कुठेतरी
...........................................गायत्री

July 16, 2013