पाठलाग

पाठलाग.....

थांब ना एकच क्षणभर
बघ वळुन एखाद्या वळणावर
पाऊले उमटलीत का तुझी
की ठसे माझ्या पाऊलांचे त्यावर....

कसा वेग मला इतका साधणार
कुठ्ल्या आवेगाने मी तुला गाठणार.....
तुझे पुढे जाणे आणि माझे मागे असणे
अव्याहत असेच सरकणार

तिथे बघ आहे थोडी सावली
तिथे तु विसावणार
अंतर राखुन चालताना
उन मलाच लाभणार

वेग तुझा जास्त
दमछाक माझीच होणार
बघुन चल अडथळे
ठेच नक्की लागणार

कधी रस्ता खडकाळ
कधी जाणार थेट
पण तरी हे अंतर
तुझ्या माझ्यात उरणार....

....सौ गायत्री मुळे.....

November 21, 2013 at 4:45pm