कर्ण व्यथा

Gayatri S Muley

भाग्य अस्ता पावले रे
डाव तेथे साधले रे
हाय केली काय दैना
चक्र शापे गाडले रे .

शुध्द होता भाव तिचा
सूर्य पुत्रा त्यागले रे
माय ज्याची राजमाता
दूध त्याला टाळले रे

दूर गेली आस साधी
शस्त्र जागी टाकले रे
घाव देते तेथ झाले
तेच माझे आपले रे

दान द्यावे काय आता
जन्म माझा संपला रे
जन्म दात्री पांडवांची
व्यर्थ डोळे गाळले रे

वस्त्र देशी द्रौपदीला
दैव माझे कोपले रे
रक्त झाले आज वैरी
काय कृष्णा साधले रे

खेळ झाला धर्मक्षेत्री
वंश झाले नष्ट सारे
धर्म ग्लानी काढताना
काय कृष्णा साधले रे
.
गायत्री ...
June 15 2015